click

PLAY 

Zr.Ms. Karel Doorman ta bai bèk Hulanda despues 

di yudansa ku COVID den karibe

Zr.Ms. Karel Doorman ta sali 15 di yüni di region Karibe pa bai Hulanda. E barku di Marina a duna sosten for di dia 24 di april na outoridatnan lokal den e lucha kontra COVID-19. E sosten ei awor ta yega na un fin, pa motibu ku e brote di e vírus di corona ta sufisiente bou di kòntròl riba e islanan.


Zr.Ms. Karel Doorman a yega dia 24 di aprel na Sint Maarten, pa sostené e outoridatnan lokal komo parti di e operashon ‘Carib Support’, den kombatimentu di krísis di corona. Na e momentu ei a tene kuenta ku un brote na skala grandi di e vírùs riba e islanan. Ku e presensia di e barku di Marina e parti karibense di Reino Hulandes tabatin na nan disposishon un kapasidat versatil i ku por a utilisá mesora den e krísis di corona, asina ku e situashon tabata rekerí esei. Al fin e barku di Marina i su unidatnan a duna sosten riba tereno di transporte, kòntròl di fronteranan marítimo i medidanan di órden públiko.


Awor aki ku e brote di COVID-19 ta bou di kòntròl riba e islanan, e barku di Marina ya no ta nesesario mas den e region i ta bolbe manera planiá bèk Hulanda. E barku ta yega Hulanda bèk dia 26 di yüni. Defensa ta keda si den e region, pa sostené outoridatnan sivil ku unidatnan ku ta presente den region Karibe. Esaki ta enserá, entre otro, sosten médiko, transporte di alimentu, i kòntròl di fronteranan marítimo.

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com