click

PLAY 

ZVK no tin traslado mediko di Statia i Saba pa St. Maarten  

Debí na e kantidat kresiente di infekshon ku e vírùs COVID-19 na Sint Maarten, Zorg en Jeugd Caribisch Nederland (ZJCN) en todo kaso pa dos siman ta suspendé traslado médiko di pashènt pa Sint Maarten Medical Center (SMMC). A tuma e desishon aki despues di a konsultá ku Rijksinstituut voor Volksgezondheid en Milieu (RIVM) i Inspectie Gezondheidszorg en Jeugd (IGJ). Pa situashon di emergensia médiko agudo sí ta keda manda pashènt pa SMMC na Sint Maarten.

Esaki ta nifiká ku Zorgverzekeringskantoor (ZVK) di ZJCN na e momentunan aki no ta manda aseguradonan for di Sint Eustatius i Saba pa traslado médiko regular (elektivo) pa Sint Maarten. Pa traslado médiko semi agudo (tratamentunan médiko ku no ta di emergensia pero ku si ta nesesario pa risibí riba término kòrtiku), ta manda pashènt pa hòspitalnan na Boneiru, Kòrsou i Aruba, dependiendo di e urgensia di e traslado.

ZJCN ta keda sigui e situashon di aserka.

ZJCN ta komprondé ku esaki ta krea insertidumbre tokante e skema di traslado médiko pa Sint Maarten i ta spera riba komprenshon i koperashon den e situashon aki. Pa pregunta tokante bo traslado médiko, por tuma kontakto ku bo dòkter òf spesialista di referensia.

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com