click

PLAY 

“Bonaire Clean Up Day 2020 – Bo bario limpi i bunita”

Djasabra 19 di sèptèmber tabata “World Clean Up Day”. Esaki ta un dia kaminda rònt mundu ta dediká atenshon na limpiesa di nos planeta. Mirando e medidanan di prekoushon relashoná ku e vírùs di corona, Selibon a pone baki di sushi den diferente bario pa asina kada habitante por kontribuí na un Boneiru mas limpi i bunita.


Manera ta kustumber, Selibon ta pisa tur e sushinan ku a kolektá pa asina por haña un bista di kuantu sushi a kolektá den kada bario. Aki ta sigui un deskripshon di e kantidat i tipo di shushi ku a keda kolektá. 


E aña aki Selibon a kolektá un total di 13.920 kilo di sushi. E tipo di sushi ku mas a kolektá ta sushi di kurá (manera rama i yerba), palèt, kaha di karton, artefakto di heru (manera baiskel), artefakto elektróniko (manera kòmpiuter, televishon, èrko) i diferente baki i hèmber di plèstik.


Selibon ta kontentu ku e esfuerso di kada habitante i ta gradisí pueblo di Boneiru ku a kontribuí na e dia spesial aki. 

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com