click

PLAY 

‘Yagdó di Droga’ Groningen ta bolbe ataká den Region Karibe

Zr.Ms. Groningen a bolbe stòp 2 transporte di droga den Region Karibe. Ta trata di e di 4 i di 5 kaptura den un luna.Djasabra pasá ebarku di Marina a intersepá kasi 284 kilo di droga i djaluna hasta 1.720 kilo di kokaina i 29 kilo di crystal meth.


Kuantu bèrdaderamente a ser kitá for di riba merkado, no por ser bisá ku siguridat. Ultimo fin di siman durante e kaptura, e sospechosonan a logra tira tur kos for di bordo den laman, promé ku por a para e boto. A saka sigur 284 kilo for di den awa.

E presunto kontrabandistanan a dump e karga di nan ‘go-fast’ na momentu ku nan a mira un helikòpter di e barku di Marina Ingles RFA Argus. Despues nan a baha na katuna, pero nan a ser persiguí pa 2 FRISC. E botonan di intersepshon rápido aki a keda desplegá pa Groningen.

Ademas di e kargamentu ku a saka for di den laman, no a haña droga na bordo. A entrega e 3 sospechosonan na Wardakosta Merikano.


Dòbel gòlpi

Huntu ku RFA Argus i su helikòpternan, e barku di patruya di Marina, djaluna un biaha mas a obligá un ‘go-fast’ pa stòp.

Tambe e biaha aki e FRISC-nan di Groningen a persiguí e sospechosonan. Na e barku di droga a enkontrá varios bultu di kontrabanda. Den e intersepshon aki a tuma e kokaina i e crystal meth den beslag.

Zr.Ms. Groningen desde yüli 2020 ta e barku patruyero aktivo den Region Karibe. E barku ta kombiná operashonnan kontra trafikashon di droga ku sosten na Wardakosta di Region Karibe. E luna aki Groningen a sa, en koperashon ku partnernan Internashonal, den e prome 3 akshonnan, di interseptá en total 1 ton di kokaina. E total di e luna aki ta suma pues e ora ei mas o menos 3 ton.

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com