click

PLAY 

A adaptá ‘ordenansa di emergensia’ riba tres punto

Gezaghèber Rijna a anunsiá un ordenansa di emergensia nobo pa Boneiru. E ordenansa di emergensia di 7 sèptèmber ta kaduká despues ku Konseho Insular no a aprobá esaki.

Ta un kustumber ku ta evaluá i papia tokante e ordenansa di emergensia riba djabièrnè. Esaki a sosodé awor riba djárason 9 di sèptèmber. E ordenansa di emergensia a drenta na vigor mesora. Gezaghèber Rijna ta trese klaridat riba algun punto ku tabatin remarke riba dje den Konseho Insular. Ta trata kambionan ku tin pa pasaheronan ku ta bini Boneiru i pa deporte. Konseho Insular no a aprobá e ordenansa di 7 di sèptèmber pa motibu ku no a haña un mayoria vota pe. 

Pasaheronan for di Sint Eustatius i Hulanda
Durante tratamentu di e ordenansa di emergensia nobo a tene mesora kuenta ku e situashon na Sint Eustatius. Den e ordenansa nobo tin para ku pasaheronan for di Sint Eustatius ku yega Boneiru desde awor tin ku bai 14 den karentena. Un otro kambio den e ordenansa di emergensia ta pa biaha bini Boneiru for di Europa. Tur pasaheronan ku ta bini for di Hulanda, Alemania, Bèlgika, Fransia i Suisa ta bai den karentena si nan no por presentá un prueba di tèst negativo tuma no mas ku 72 ora promé ku nan biahe. Pasaheronan for di paisnan ku riesgo haltu manera Aruba, Kòrsou i Sint Maarten ta bai 14 dia den karentena. 

Deporte
Pa evitá ku e vírùs di corona ta plama riba Boneiru a bini ku instrukshon ora ta praktiká deporte. Despues di a tuma konseho, Gezaghèber Rijna a disidí di hasi posibel pa praktiká deporte riba vèlt ku ménos restrikshon. E reglanan ta keda konta sí pa tur otro sobra fasilidat deportivo i gym. No ta permití públiko na training i tampoko na torneo. 

Den e ordenansa di emergensia tin mas instrukshon pa bishitante i habitante di Boneiru. Meta ta pa prevení ku e vírùs di corona ta plama na Boneiru. Importante ta pa sigui kumpli ku e instrukshonnan di higiena. Laba man ku awa i habon, mantené 1.5 meter di distansia, no mishi ku wowo,boka i nanishi. Keda move, drumi sufisiente i biba salú pa hisa bo resistensia. Si bo tin keho relatá na Covid-19 keda kas i yama 0800-0800. Protehá bo mes i esnan rònt di bo.  


Belastingdienst Caribisch Nederland ta enfatisá ku tin hopi kompania ta tene nan mes na e reglanan. Pero tin komersiante tambe ku no ta kumpli ku nan deber. Esaki tin un efekto negativo riba sosiedat. Ademas esaki ta perhudiká esnan ku si ta kumpli ku nan deber; por pensa aki di konkurensia inhustu. Esaki no ta solamente negativo pa e sektor konserní so, sino tambe pa henter komunidat. 

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com