click

PLAY 

A firma akuerdo pa atende ku drechamentu di kaminda 

E munisipionan di Rotterdam i Alphen aan den Rijn i Entidat Públiko Boneiru (OLB) a uni forsa. Den kuadro di sosten i pa fortalesé e forsa ehekutivo di OLB, e inisiativa a bini di OLB, e ministerionan di Asuntunan Interior i Relashon den Reino (BZK) i Infrastruktura i Maneho di Awa (lenW). Esaki ta un di e puntonan di lansa di e akuerdo atministrativo.


E kolaborashon entre e munisipionan a inisiá na òktober 2019. A yega e momentu pa formalisá e kolaborashon pa garantisá kontinuidat. Djamars, promé di sèptèmber 2020, Sekretario di Estado Knops i diputado Kroon a firma e akuerdo.


Ku e empeño di kapasidat i eksperensia di e munisipionan Hulandes, por ofresé sosten dirigí riba futuro pa maneho i proseso relashoná ku tráfiko, transporte, awa i trabou sivil. Di e manera aki, ta brinda sosten na implementashon di e plannan di infrastruktura; por prepará i hasi mantenshon di e infrastruktura. Esaki ta un punto di lansa di diputado Kroon i Kolegio Ehekutivo, pero tambe di ministerio di Infrastruktura i Maneho di Awa, i e ministerio di Asuntunan Interior i Relashon den Reino.


Konkretamente, e kolaborashon ta nifiká ku un lider di proyekto pa karetera ta kuminsá na e munisipio Rotterdam pa seis luna. Banda di e maneho den término di kontenido i proseso, e lider di proyekto lo strukturá aún mas e kolaborashon entre e munisipionan. 


Ku firmamentu di e akuerdo di kolaborashon, ta dal un paso importante den implementashon di e plan di akshon pa infrastruktura di Boneiru, un di e temanan mas importante di e akuerdo atministrativo.


Tambe a palabrá den e akuerdo atministrativo pa bini ku un plan di mehoransa parsial di R&O i pa mehorá ehekushon di e proyektonan di infrastruktura. OLB, munisipionan di Rotterdam i Alphen aan den Rijn, Ministerio di BZK i e Ministerio di Infrastruktura i Maneho di Awa, ta traha huntu den esaki pa logra resultadonan pa e abitantenan di Boneiru. 

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com