click

PLAY 

Areglo di emergensia SZW ta drenta fase tres

Lo prolongá e kompensashon di e gastunan di salario pa dunadó di trabou, empresario independiente i èks empleado. Fase tres di e areglo di emergensia ta drenta na vigor 13 di òktober i lo dura nuebe luna. A ahustá algun punto den e areglo. E ophetivo di e areglo ta keda pa apoyá trabou i entrada, pero tambe ta bira importante pa kada kompania i empleado kuminsá adaptá na e situashon ku ta kambia.


Meskos ku den e promé dos fasenan, lo supsidiá 80% di e salario den e prolongashon. Den yanüari 2021 lo por revisá e porsentahe. E kondishonnan pa bini na remarke a keda meskos pa dunadó di trabou i empresario independiente. Pa èks empleado ku a pèrdè nan trabou pa motibu di corona, a ahustá e kondishonnan.


Èksempleado (ku no tin dunadó di trabou mas) por entregá un solisitut den fase tres solamente si e kompania ku nan tabata traha p’e, ya ta hasi uso di e areglo di emergensia SZW. Solamente asina por proba ku e pèrdida di empleo ta resultado di e krísis di corona. Èks empleado por hasi uso di e sosten di fase tres pa un máksimo di tres luna. E punto di salida ta pa haña un otro trabou. Si yama nan pa mediashon di merkado laboral, nan ta obligá di koperá ku esaki. Kaminda otro trabou no ta posibel, e persona por bini na remarke pa risibí ònderstant. Èks empleado ku ya ta risibí asistensia di e areglo di emergensia, lo keda risibí esaki te ku 12 di yanüari 2021.


Tur grupo di enfoke mester hasi esfuerso pa gradualmente eliminá uso di e areglo. E derechi pa partisipá ta kaduká si e benifisiario permanesé pafo di Hulanda Karibense pa mas di un total di kuater siman. Ta paga e sosten te ku máksimalmente kuater siman retroaktivo. Esei ta nifiká ku e petishonario no ta risibí reembolso pa periodonan ku ta mas di kuater siman promé ku e momento di aplikashon.  


Dunadó di trabou, empresario independiente i èks empleado ku ta kai kaba bou di e areglo, no mester hasi nada pa un prolongashon. Mester komuniká kambio via di e formulario di kambio. Por hasi un solisitut nobo via www.rijksdienstcn.com/covid-19 bou di ‘Pakete di emergensia di Gobièrnu’. Empresarionan na Boneiru por drenta den kontakto ku Kámara di Komèrsio pa pregunta i konseho via steunloket@kvkbonaire.com

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com