click

PLAY 

BCN ta prolongá eksonerashon di ABB pa produkto di protekshon personal

Riba 31 di mart 2020 a komuniká tokante di e eksonerashon di e ‘Algemene Bestedingsbelasting’ (ABB). Hopi tabata kier a i ainda kier duna un aporte na kombatimentu di corona vírùs. Por ehèmpel dor di hasi donashon di produkto di protekshon personal na institutonan di kuido. P’esei Duana CN ta prolongá e posibilidat pa eksonerá importashon di produkto di protekshon personal di Algemene BestedingsBelasting (ABB), bou di kondishonnan, ora ta importá.


Ta hasi lo máksimo posibel pa laga importashon di medionan di protekshon personal kana zetá i lihé. Aspektonan fiskal no mag forma estorbo pa distribushon rápido di  produktonan di protekshon personal pa dunadó di ayudo den e tempu pisá aki. Aki ta sigui un lista di produkto di protekshon personal, e kondishonnan i e periodo pa kua e eksonerashon ta bálido.


Kiko ta un produkto di protekshon personal?

Bou di esaki ta kai en todo kaso:

    •    Máskara pa kara, tapa  boka (di tira afó i tambe esnan ku por bolbe uza)

    •    Bril kontra spatmentu

    •    Handschoen di saminashon


Ken ta bini na remarke pa esaki, bou di kua kondishon?

Promé ku bo por hasi uzo di e eksonerashon bo mester hasi petishon pa un pèrmit na Duana CN pa kada kargashon.

    •    Un di e organisashonnan aki mester importa produktonan di protekshon personal:

    o    Instituto gubernamental; 

    o    unidatnan di yudansa òf institutonan filantrópiko;

    o    organisashon di ayudo, hospital, instituto ku ta duna kuido i dunadó di kuido.

    •    Ta hasi donashon di e artíkulonan i ta uza nan pa víktimanan di e krísis di corona.


Tuma nota: Partidonan di merkado ku kier bende produktonan di protekshon personal, no ta haña eksonerashon.


Organisashonnan ta importá e artíkulonan pa donashon riba nan mes nòmber
Empresarionan por hasi donashon di produkto di protekshon personal na e instansianan menshoná anteriormente. E organisashonnan aki ta importá e artíkulonan riba nan mes nòmber. Nan no mester paga ABB.


Empeño máksimo pa ménos retraso posibel

Duana CN ta empeñá su mes máksimalmente pa ménos retraso posibel na frontera ora ta importá produktonan di protekshon personal. Dor di un bon diseño di e proseso, e areglo fiskal aki apénas ta sòru pa retraso. Asin’ei e produktonan di protekshon personal ta yega rápido na nan destinashon. 


Pa kua periodo e eksonerashon spesial aki ta aplikabel?
E eksonerashon spesial aki ta bálido te próksimo aviso.


Pregunta?

Pa pregunta por manda un meil na douane@belastingdienst-cn.nl.

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com