click

PLAY 

Biblioteka Públiko Boneiru a haña buki nobo di regalo

Biblioteka Públiko a risibí algun buki nobo for di Fundashon Kinderhulp Bonaire. Ta trata di bukinan pa alumnonan di grupo 4 te ku grupo 8. Empleadonan di Biblioteka Públiko ta registrando e bukinan aworakí. Asina e trabou aki ta kla e muchanan por fia e buki nobo nan. Ta trata di bukinan di kuenta hopi interesante pa nos muchanan. Biblioteka Públiko na nòmber di Gobièrnu di Boneiru ta gradisí Fundashon Kinderhulp Bonaire pa e gesto bunita aki i ta apresiá esaki mashá. Biblioteka Públiko ta habri tur dia ku eksepshon di djadumingu. Riba e página di Facebook di Biblioteka Públiko ta haña e orarionan nobo ku biblioteka ta habrí. 


Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com