click

PLAY 

Boneiru tin hopi empleado temporal den hóreka i konstrukshon

Na 2018, 72 porshento di personanan di 15- te 75 aña na Hulanda Karibense tabatin un trabou pagá. Boneiru, Sint Eustatius i Saba tabata konta ku respektivamente 11,2 mil, 1,9 mil i 1,2 mil persona empleá. E porsentahe di empleadonan ku un kontrakt temporal tabata mas haltu na Saba (22 porshento). Den kasi tur sektor mas grandi na Saba tabatin relativamente hopi hende ta traha ku un kòntrakt temporal. Esaki ta segun e Investigashon di Forsa laboral di Hulanda Karibense (ALO-CN) 2018 kondusí pa CBS. 


Un kuart di e empleadonan temporal tin menos ku 25 aña

Den 2018, algu mas ku mitar di e empleadonan temporal na Saba (59 porshento) i na Boneiru (54 porshento) tabata hende muhé. Na Sint Eustatius esaki tabata trata ménos ku mitar (43 porshento). Riba tur tres isla mas o ménos un kuart di e empleadonan temporal tabatin menos ku 25 aña. 


Mas ku mitar di e empleadonan temporal na Boneiru (54 porshento) i Sint Eustatius (58 porshento) a nase na un di e islanan di e parti Karibense di Reino Hulandes (Aruba, Kòrsou i Sint Maarten). Na Saba esaki tabata 48 porshento. Un parti relativamente grandi di e empleadonan temporal na Saba i Sint Eustatius tabata bini for di otro paisnan di Sentro- i Sur Amérika, respektivamente 36 porshento i 33 porshento. Na Boneiru esaki tabata 23 porshento. Kompará ku Boneiru (1 porshento) i Sint Eustatius (1 porshento) tabatin relativamente hopi Nort- Amerikano bou di e empleadonan temporal trahando na Saba (6 porshento). Na Saba tin un Universidat Médiko Merikano establesé.


Hopi empleado temporal den hóreka i industria di konstrukshon 

Boneiru

E industria mas grandi na Boneiru tabata atministrashon públiko i e servisionan gubernamental. Den 2018, 11 porshento di e personanan empleá den e industria aki tabatin un kontrakt temporal. Otro industrianan grandi ku un kantidat relativamente mas haltu di empleado temporal, ta hóreka i e sektor di salú. Den hóreka esaki tabata 26 porshento i den salubridat i bienestar 20 porshento. 


Sint Eustatius

Sint Eustatius tin un terminal di petrolio grandi. Den 2018, e sektor di fabrikashon tabata esun mas grandi na e isla aki. Relativamente un gran parti di nan trahadónan tabatin un kontrakt temporal den e sektor di fabrikashon. Únikamente den e sektor di konstrukshon tabatin un poko mas empleado ku un kontrakt temporal (22 porshento).


Saba

Na Saba e sektor públiko i e sektor di edukashon tin un representashon grandi. Den e atministrashon públiko e porsentahe di empleadonan temporal ta kasi mesun haltu ku na e otro islanan. Den enseñansa e porsentahe di empleadonan temporal tabata dos biaha mas tantu (27 porshento) kompará ku na Boneiru i Sint Eustatius. Tambe den salubridat i bienestar, konstrukshon i komèrsio e porsentahenan tabata relativamente haltu kual tabata, 37, 34 i 27 porshento respektivamente.  

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com