click

PLAY 

E pandemia di corona tin un efekto mas grandi riba emigrashon ku riba imigrashon na Boneiru

CBS a traha un pronóstiko nobo pa poblashon di Hulanda karibense. Den un publikashon CBS ta trata e resultadonan mas importante i e diferenshanan kompará ku e pronóstiko anterior. Den e update tin informashon adishonal, esta e sifranan di yanuari 2019 te ku mei 2020.


For di mart 2020 e pandemia di corona a hunga un rol den migrashon. Na Boneiru ta parse ku e pandemia ta limitá tantu imigrashon komo emigrashon, pero e efekto riba emigrashon ta mas grandi.


Ta kere ku e limitashon riba migrashon di personanan nase na èks Antias i Aruba i Hulanda kousá pa e pandemia lo bira mitar den 2022 i lo a disparse pa 2025. Pa personanan nasé otro kaminda e efekto lo a bira mitar di loke e ta pa 2023 i lo a disparse na 2026. No sa kon largu e pandemia aki lo dura. Den un senario optimista lo tin un bakuna of tratamentu ampliamente disponibel pa 2021, pero e virus lo por permanesé tambe pa un tempu largu. Meskos ku e pronóstiko di 2019 ta konta ku un saldo di migrashon di sero for di 2050, pues anualmente tin mesun kantidat di imigrante komo emigrante.


Te ku mei 2020 e pandemia no a resulta den un kantidat mas haltu di morto na Hulanda karibense. Ta kere si ku den e di dos mitar di 2020 i te ku 2024 lo bini un oumento den e kantidat di morto. Dor ku e kantidat di morto ta oumentá spesialmente serka grandinan i Karibe hulandes tin un poblashon yòng e efekto lo ta chikitu; esta algun morto èkstra pa aña. E aktualisashon di e patronchi di probabilidat di morto ku awor ta basá riba e pronóstiko básiko di CBS pa Hulanda di 2019 enbes di 2018, tin un efekto mas o menos mesun grandi. Logikamente ainda no por mira un efekto di e pandemia riba e kantidat di baby ku ta nase. 


E poblashon di Hulanda karibense a subi den e periodo di promé di yanuari 2011 te promé di yanuari 2020 di 21 mil bai 26 mil. Esaki ta un kresementu di 2% pa aña. Te ku 2024 ta pronostiká un kresementu di poblashon di mas o menos 2% pa aña, despues gradualmente kresementu ta bira menos. Ta verwacht ku e kresementu lo stòp na 2046. Pa e tempu ei Hulanda karibense lo tin kasi 35 mil habitante.


Di e tres islanan e poblashon di Boneiru a krese mas fuerte for di 2011. Den e pronóstiko tambe por mira e kresementu mas grandi na Boneiru; di 21 mil na 2020 pa 28.5 mil rondo di 2045. Statia ta krese di 3.1 mil bai 3.9 mil i Saba ta krese di 1.9 bai 2.4 mil.


E ahustenan den e pronóstiko ta pone ku Hulanda karibense lo tin 4%, ku ta igual na 1.400, habitante mas tantu na 2050 kompara ku e pronostiko anterior. Pa Boneiru esaki ta 1.250 habitante mas tantu, ku ta 5% mas tantu.


Dor ku meskos ku den e pronóstiko anterior migrashon ta duna e aporte mas grandi na kresementu di poblashon, segun e pronóstiko nobo tambe e kantidat di habitante ku a nase pafo di Hulanda karibense lo oumentá. E kantidat di habitante nasé na Hulanda europeo a krese e último añanan di 9% na 2011 bai 13% na 2020. Segun pronóstiko esaki lo subi bai 16% na 2041. E pronóstiko anterior tabatin porsentahenan similar.

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com