click

PLAY 

Forma ta entregá Alpha Award 2020

Djabièrnè 11 di sèptèmber  FORMA a otorgá e Alpha Award na señora Cora Knopper di e departamentu di komunikashon di Rijksdienst Caribisch Nederland, pa e tremendo trabou i esfuerso grandi hasí pa adaptá informashon di COVID 19 pa asina e analfabeto funshonal tambe por a keda bon informá kiko e por hasi pa kuida su mes i su famia. Departamentu di komunikashon RCN a saka un foyeto tokante COVID 19 ku a adaptá den kolaborashon ku FORMA, pa asina e informashon ta mas fásil pa lesa. Entre otro a usa mas ilustrashon, palabra mas fásil i frasenan kòrtiku. Banda di esaki a pasa e informe di e foyeto tambe na radio. E kombinashon di informashon skibí i via radio ta sumamente importante pa e adultonan analfabeto funshonal. 

Hasiendo esaki departamentu di komunikashon di RCN a logra ku informashon esensial tokante higiena, mantenshon di distansia físiko, por a yega tambe na e analfabeto funshonal.   


Algun aña pasá FORMA a introdusí e Alpha Award, durante e siman di Alfabetisashon. Ku e nominashon prestigioso akí FORMA ta pone un persona, organisashon òf kompania ku a hasi su esfuerso pa kombatí analfabetismo na Boneiru den spotlight. Esaki ta konta tambe pa un persona, organisashon òf kompania ku ta hasi esfuerso pa stimulá e partisipashon i emansipashon di e analfabeto funshonal na Boneiru. 


FORMA ta felistá departamentu di komunikashon (RCN) pa un tremendo trabou! Masha pabien! Ban sigui traha huntu pa logra ku tur siudadano tin akseso na informashon importante. 

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com