click

PLAY 

Hulanda lo sòru pa bakuna pa e parti karibense di Reino 

Minister di VWS, Hugo de Jonge, resientemente a manda un karta pa Tweede Kamer tokante kompra di bakuna pa Covid-19. E kompra sentral di kandidatonan pa bakuna kontra covid-19 dor di Komishon Europeo ta kanando. Riba 18 september e Komishon a firma un Advance Purchase Agreement ku un konsorsio di Sanofi Pasteur i Glaxosmithkline Biologicals  (Sanofi/GSK). E akuerdo ta garantisá entrega di maksimal 300 mion doses di e bakuna di Sanofi/GSK asina ku e posibel bakuna ta permití riba merkado europeo. Sanofi/GSK ta planiá pa na yüni 2021 pidi pèrmit pa drenta merkado europeo ku e bakuna.


E repartishon bou di e miembronan di Union Europeo ta tuma luga abase di e rato di e poblashon den e poblashon total den e union. Hulanda tin derecho riba mas o menos 11.7 mion doses. Hulanda ta mará na e kontrakt aki na momentu ku disidí pa tuma e bakuna.


E Komishon tabatin kombersashonnan ku e kompania Curevac i si e desaroyonan rondo di un bakuna di e kompania ei bai bon Union Europeo lo por kumpra 225 doses ku un opshon pa kumpra 180 mas. Tambe tabatin kombersashonnan eksitoso ku e kompania Moderna ku kua a palabra entrega di 80 mion doses ku un opshon pa kumpra 80 mion mas. Tabatin kombersashon eksitoso tambe ku e konsorsio BioNTech i Pfizer pa entrega di 200 mion doses ku un opshon pa 100 mion mas. Tantu Moderna komo BioNTech/Pfizer a kuminsa ku e tèst klíniko di fase 3. E kompanian aki ta kana dilanti den desaroyo di un bakuna pa Covid-19.


Entre tantu praktikamente a usa e loke ku Union Europeo a presupuestá pa produkshon di bakuna. E palabrashon ku Hulanda i otro paisnan a hasi ku Komishon Europeo ta sòru pa posibilidat di finansiamentu adishonal.


Manera ku a bini dilanti, di tur e kontraktnan ku Komishon Europeo sera na nòmber di e paisnan miembro, Hulanda ta risibí un parti di e totalidat ku ta igual na Hulanda su poblashon kompará ku e poblashon total di e paisnan miembro. Esaki ta e kaso, tanten ku Hulanda no skohe pa un opt-out. Hulanda a informa Komishon Europeo i otro paisnan miembro ku e lo usa su parti di e bakunanan pa bakunashon di tur habitante di Reino hulandes, inkluyendo habitantenan di e parti karibense di Reino.

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com