click

PLAY 

Kabinete ta tene kuenta ku rekomendashonnan di Ombudsman den kombatimentu di pobresa na Hulanda karibense

Miembronan di Tweede Kamer den e preguntanan ku nan a hasi na sekretario di estado di SZW, Bas van ’t Wout, relashoná ku e raportahe di adelanto di e ijkpunt seguridat di eksistensia na Hulanda akribense ta puntra kon lo embolbi e rekomendashonnan di Ombudsman nashonal i Ombudsman di mucha den e raport ‘Ta relevante unda bo kuna a para' den e maneho pa mehorá e seguridat di eksistensia na Hulanda karibense.


Segun Van ’t Wout, e raport di ombudsman ta mustra ku hobennan ku lanta den pobresa hopi biaha ta haña nan mes den un sirkulo visioso. E raport ta konfirmá, meskos ku e raport di Ombudsman nashonal tokante grandinan, e nesesidat pa e esfuerso di kabinete pa atende ku e mehorashon di seguridat di eksistensia di habitantenan di Hulanda karibense di un forma general, dor di mehora entrada di habitantenan i pa baha gastunan.


Ambishon di kabinete ta pa baha pobresa na Hulanda karibense di diferente forma. Entre otro a hisa sueldo minimo, uitkering i kinderbijslag riba prome di yanuari 2019 i prome di yanuari 2020. Banda di atende ku e problema di pobresa di forma konkreto ta importante tambe ku hobennan adulto por kuminsa di un manera bon. Un instrumento importante den e kuadro aki, i ku esei den e kombatimentu di pobresa, ta akohida pa mucha. Akohida pa mucha ku ta bon, akohida pafo di skol i aktividatnan di e akohidanan ta ofrese muchanan un inisio yená ku prespektiva, esaki ta importante pa kibra e sirkulo visioso. Tambe e ta hasi posibel pa mayornan por bai traha sin mester preukupa ku akohida pa nan muchanan. Ku e programa di BES(t) 4 kids ta duna kontenido na esaki.


Ombudsman nashonal i Ombudsman di mucha ta di opinion ku ta nesesario pa bini ku un aserkamentu integral urgente pa pobresa bou di hobennan adulto. E diferente departamentunan tambe ta mira e impotansha di un maneho integral relashona ku hubentut.


Pa loke ta e maneho dirigi riba hoben i hobennan adulto e ministerionan di VWS, OCW, SZW, JenV i BZK na e momentu aki ta investigá di ki manera por bini mas koherensia ku e entidatnan publiko, di manera ku ta promove e parti di desaroyo pa bira un adulto, i hobennan i hobennan adulto por probecha di nan oportunidat i talentonan. Den esaki ta embolbi rekomendashonnan di e raport di Ombudsman. E grupo di trabou interdepartamental di hoben ta traha riba esaki.

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com