click

PLAY 

Kantidat di morto relashona ku  Covid-19 a bira 3

Entidat Públiko Boneiru (EPB) ta anunsiá ku riba 14 di òktober 2020 un di tres pashènt a fayesé pa motibu di Covid-19. E pashènt tabata interná na Curaçao Medical Center. 

Forsa ta bai na famia di e defuntu. Laga nos duna nan espasio den nan momento di luto.

Niun kaso di Covid-19 a bini aserka. Riba 14 di òktober tin 28 kaso aktivo di Covid-19 na Boneiru. 100 persona a rekuperá i 2 persona ta interná den hòspital. 

Ta keda importante pa tur hende laga tèst su mes ora e ta sinti keho. Bo tin keintura, doló di garganta òf kualke otro síntoma relatá na Covid-19? Keda bo kas i yama 0800-0800. Mantené e instrukshonnan di higiena. Kome salú, drumi sufisiente i move regular pa hisa bo resistensia. Kuida bo mes i esnan rondó di bo.

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com