click

PLAY 

Kòntròl multidisiplinario den hóreka

Den oranan di anochi di djabièrnè 4 di sèptèmber, diferente instansia gubernamental den kolaborashon a ehekutá kontrolnan multidisiplinario na dos establesimentu nokturno. Tur instansia a ehekutá kontrolnan for di nan mes un outorisashon i kaminda tabata nesesario a sostené otro.


Duana a ehekutá kontrol riba e prosedura korekto en konekshon ku bienes di akseins. Belastingdienst Caribisch Nederland (BCN) a hasi e bishita en konekshon ku stipulashon di identidat di e personanan ku probablemente ta hasi trabou pagá den e negoshi. Tambe a kontrolá si a kumpli ku e debernan di dunadó di trabou. Inspekshon di Labor a supervisá e kumplimentu ku lei pa kua Inspekshon di Labor ta enkarga kune. Na nòmber di Entidat Públiko Boneiru, e Direktorado di Supervishon i Mantenshon di Òrdu (DTH) a kontrolá riba kumplimentu ku e reglanan rondó di e ordenansa di Bebida i hóreka. KPCN a ehekutá kontrol pa prevení i kombatí eksplotashon, trafikashon di hende, eksplotashon di prostitushon (ilegal) i kontrol di papel di identidat di e personanan presente. KMar a sostené kontrol pa kombatí krímen ku ta surpasá frontera en partikularmente pa kombatí trafikashon di hende. Tambe tabatin atenshon spesial pa  kontrol di identidat i posibel dokumentu falsu.


E servisionan a konstatá e siguiente echonan kastigabel:

Den e negoshinan di hóreka ku a kontrolá, a topa ku situashon a-higiéniko. DTH lo vigilá pa e doñonan atendé ku e situashon aki mas lihé posibel.

Durante di e kontrolnan Inspekshon di Labor a konstatá violashon di e ‘Wet Arbeidsvreemdelingen BES’ i e ‘Arbeidstwet 2000 BES’.

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com