click

PLAY 

Lesnan di talento a kuminsa atrobe

Siman pasá e lèsnan di talento a kuminsá na Boneiru. Muchanan di grupo 7 i 8 (9, 10 òf 11 aña) ta haña un treinen pa un aña largu pa nan por deskubrí i desaroyá nan talento. 

Despues di skol na e akohida na Antriol, Rincon, Nikiboko, Playa, Nort’i Saliña i na Hato, 6 profeshonal lo coach 70 mucha pa un aña largu. Den un ora i mei pa siman nan lo hasi e muchanan konsiente di nan habilidatnan i lo siña nan pa usa esakinan den un forma positivo den nan bida. 

E coachnan di talento lo subi kaya tur dia, pa yuda e muchanan pa nan siña konosé nan mes mas mihó i pa nan pensa tokante di nan futuro. 

E fundashon Hóbennan i Futuro ta spera ku e por engrandesé e posibilidatnan pa un bunita futuro i ta kontentu ku e koperashon ku e akohidanan despues di skol riba e isla. 

E proyekto aki ta posibel ku yudansa di Oranjefonds i Kansfonds. 

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com