click

PLAY 

Mariadal ta intensivá medidanan di prekoushon kontra corona

Ku efekto inmediato Fundashon Mariadal a tuma medidanan di prekoushon mas severo pa prevení infekshon di pashèntnan, bishitantenan i empleadonan ku e vírùs di corona.


E motibu pa esaki ta un infekshon nobo i investigashon pa wak si tin mas infekshon. E siguiente medidanan ta na vigor durante e próksimo dos simannan.


    1.    Tur bishitante i pashèntnan ku no ta hòspitalisá den Fundashon Mariadal mester bisti un tapaboka. Banda di esei a limitá e kantidat di bishitante di Fundashon Mariadal.


    2.    Empleadonan di Fundashon Mariadal mester bisti un tapaboka si nan no por mantené un distansia di 1,5 meter for di un otro persona durante un periodo di 15 minut.


    3.    Un biaha mas ta suprayá importansia di mantenementu di un distansia di 1,5 meter for di otro i labamentu di man regularmente.


    4.    Empleadonan ku tin keho ku ta kuadra ku infekshon ku e vírùs di corona mester keda kas i tuma kontakto ku nan hefe.


    5.    Bishitantenan i pashèntnan ku no ta hòspitalisá na Mariadal ku tin keho di grip òf fèrkout mester bai kas, no drenta den hòspital i yama nan dòkter di kas òf 0800 – 0800.


Di e manera aki huntu nos por limitá e kantidat di infekshon na Boneiru mas tantu posibel!

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com