click

PLAY 

Mensahe pa tur pashènt di dòkter Hermelijn

Tur pashènt di dòkter Hermelijn ku tabata serka dje den e siman di 5 pa 11 sèptèmber 2020 ta haña un yamada di departamento di Salubridat Públiko. No ta tur biaha ta logra di haña e personanan aki na telefòn. Si abo tabatin kontakto di aserka ku dòkter Hermelijn den e siman ku ta tras di lomba i no a risibí un yamada ainda, tuma kontakto ku departamento di Salubridat Públiko na number di telefòn 0800-0800. No prekupá si bo ta tin solamente kontakto ku e asistente i no ku dòkter Hermelijn mes.  

Bo tin keho manera ferkout, tosamentu, doló di garganta, keintura I pèrdida direpente di por hole i pruf? Yama 0800-0800 pa traha un sita pa un tèst. Ora tin keho leve tambe por yama pa tèst. Riba djaluna i djamars mainta tin espasio ainda pa hasi tèst den e Drive-Thru di departamento di Salubridat Públiko situá na Kaya G.F. Betico Croes 24. Ta tèst solamente riba afsprak. Yama 0800-0800. Si no tin keho òf síntoma no tin sentido pa hasi un tèst. 

Asina haña un sita pa hasi un tèst bo tin ku keda kas i apartá bo mes for di tur otro persona. Asina e resultado drenta i si e ta negativo, por sali for di e isolashon. Den un otro komunikado ta duna mas informashon tokante bishita na dòkternan di kas.

Sigui kumpli ku e instrukshonnan di higiena. Bo Laba man ku awa i habon, mantené 1.5 meter di distansia, no mishi ku bo wowo, boka i nanishi. Keda move, drumi sufisiente i biba salú pa hisa bo resistensia. Si bo tin keho relatá na Covid-19 keda kas i yama 0800-0800. Protehá bo mes i esnan rondó di bo.

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com