click

PLAY 

Nolly Oleana, nombrá komo Gezaghèber interino di Boneiru

Entrante promé di òktober 2020 a nombra Nolly Oleana komo Gezaghèber interino di Entidat Públiko Boneiru, pa un periodo di 3 aña.

Representante di Reino interino, Jan Helmond, a hurament’é riba 29 di sèptèmber, den presensia di Gezaghèber Rijna.


Nolly Oleana ta hefe di departamentu di Enseñansa, Kultura i Siensia (OCW) Hulanda Karibense. E lo ehersé e funshon di Gezaghèber interino den ousensia di Gezaghèber.


Nombramentu di un Gezaghèber interino ta un responsabilidat i outorisashon di Representante di Reino. E Gezaghèber interino aktual, Curvin George, algun tempu pasá a duna di konosé ku e ke bandoná e funshon.  P’esei e Representante di Reino interino a inisiá e prosedura pa yega na un nombramentu nobo. Pa esaki a tene kombersashon ku entre otro e miembronan di  Kolegio Ehekutivo i Konseho Insular.

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com