click

PLAY 

Poblashon di Boneiru a krese ku 5.400 for di 2010

Na komienso di 2020 Boneiru tabatin 20.900 habitante, 5.400 mas tantu ku na prinsipio di 2010. Entre 2011 i 2013 e kantidat di habitante a krese ku un averahe di mas o menos 900 pa aña. Na 2019 e poblashon a krese ku 811. Na 2019 migrashon tabata haltu: 717 persona a bin biba Boneiru. Esaki segun CBS den su publikashon di Trends in the Caribbean 2020.


Habitantenan di Boneiru nasé na Boneiru, Aruba, Korsou, St. Maarten, Saba of St. Eustatius (eks Antias) of na Hulanda, kasi sin eksepshon tin nashonalidat hulandes. Di esunnan nase na Europa kasi un kuart tabatin nashonalidat hulandes riba prome di yanuari 2020. Esaki a baha ku 8 porshento kompará ku 2011. Un terser parti di esunnan nasé na sentro i sur Amerika tabatin nashonalidat hulandes. Esaki ta un bahada di 6 porshento kompará ku 2011. E kantidat di haitiano na 2020 a bira tres biaha loke e tabata na 2011. Mirando ku haitianonan a risibi nashonalidat hulandes konsiderablemente menos, e proporshon di persona ku nashonalidat hulandes nasé na Haiti a bira menos ku mitar di loke e tabata. E kantidat di persona nasé na Merka i Canada ku nashonalidat hulandes ta 12% i a subi un tiki kompará ku 2011.


Pa loke ta e desaroyo di poblashon di Boneiru entre 2015 i 2019 tabatin 961 yu ku a nase, 447 morto, 6.675 persona a bin biba na Boneiru i 5.227 a bandona Boneiru. Den e periodo aki poblashon a krese ku 1.962.


Otro sifra ku CBS ta trata ta ku na komienso di 2020 41% di persona na Boneiru tabata biba nan so. Esaki ta un bahada di 3% kompara ku 2012. E kantidat di pareha sin yu a subi di 17% na 2012 bai 22% na 2020. E proporshon di parehanan ku yu i e proporshon di mayor soltero tabata 23% i 13% respektivamente i a keda mas o menos igual kompara ku 2012.

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com