click

PLAY 

Salu i bienestar di kliente- i empleadonan ta importante pa WEB

WEB ta sigui traha pa por ofresé e servisio di kustumber na su klientenan. Ta sigui e instrukshonnan di gobièrnu i e tim di maneho insular (EBT). 

WEB por sigui ofresé su servisionan sin ku su klientenan i proveedornan mester bishita su ofisinanan. Pa por baha e riesgo di propagashon di COVID- 19, e kompania ta deskonsehá klientenan pa bishitá su ofisinanan. Esaki ta konta spesífikamente pa personanan vulnerabel manera nos grandinan i personanan ku resistensia abou. E grupo aki tin ku evitá kontakto físiko mas ku ta posibel! Regla asuntunan ku WEB for di kas i paga nan faktura via plataforma online di bankonan lokal. 

Si realmente bo mester di kontakto direkto ku ofisina na playa, mester tene kuenta ku lo siguiente: mantené un distansha di 1.5 meter for di otro persona, mester usa un tapa boka, mester desinfektá man i sigui instrukshon di agente di seguridat. Por bishita ofisina di WEB solamente si bo no tin ningun keho di salu, manera keintura, tosamentu òf nistermentu. 

Pa pregunta tuma kontakto ku e servisio pa kliente na info@webbonaire.com òf yama +5997158244. 

WEB ta konsehá su klientenan tambe pa hasi pago di nan kuentanan 24/7 via di e sistema online. Si e kliente ta lat pa hasi pago online, e kliente por manda su prueba di pago di banko na info@webbonaire.com i pidi pa tene kuenta pa no sera su awa i koriente. 

WEB lo sigui fakturá manera ta kustumber. Pa empresanan i otro personanan ku ta konfrontando difikultat finansiero pa paga nan kuenta di awa òf elektrisidat, WEB huntu ku OLB a tuma medidanan via un trayekto ku ta pasa via SZW. 

WEB ta urgi su klientenan pa sigui kumpli ku nan obligashonnan finansiero na WEB. Esaki ta hasi posibel pa WEB por sigui brinda e servisio esensial aki pa Boneiru: suministro di energia i awa di bebe na Boneiru. 

Huntu nos por mantené otro seif.

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com