click

PLAY 

Suministro di koriente bou di hopi preshon

For di kuminsamentu di sèptèmber, un kombinashon di diferente akontesimentu a pone e sistema di suministro di koriente bou di hopi preshon. 

Miéntras ku temperaturanan tabata ekstremadamente haltu ku temperaturanan di 35 grado, esaki a hasi ku e demanda pa uso di èrko a subi, trabounan di mantenshon den kombinashon ku tiki forsa di bientu a pone e suministro di koriente bou di preshon. 

Pa mantené e ekilibrio den e sirkunstansia ekstremo i no usual aki Contour Global Bonaire (CGB) huntu ku WEB a skohe for di 10 di sèptèmber pa un interupshon di koriente kordiná i kontrolá na momentu ku esaki tabata nesesario. 

Loke ku a kondusí na deskonekshon di algun área relativamente chikitu pa kasi 1 ora. Ta implementa e interupshon di koriente sistemátiko aki pa mantené servisionan kritiko i repartí e inkombeniensia di un manera rasonabel: un interupshon limitá pa algun área, na lugá di asumí e riesgo di un interupshon mas signifikante pa tur kliente na Boneiru. 

Si resultá ku mester deskonektá koriente den bo bario, tin ku tene kuenta ku no ta semper CGB i WEB por komuniká esaki ku antisipashon manera a kustumbrá na momentu di komuniká trabounan di mantenshon planiá. 

Deskonekshon di koriente ta e último rekurso pa por mantené e balanse entre produkshon i demanda. Pa e motibu aki, i si ta nesesario, CGB i WEB lo sòru pa deskonekshon sistemátiko di e suministro di koriente pa asina minimalisá e molèster i distribuí esaki dor di e poblashon pa huntu nos no tin ku eksperensia pió. 

Pronto e unidatnan di produkshon lo bolbe drenta den servisio, dentro di poko tempu klientenan lo bolbe disfrutá di un suministro di koriente stabil. 

WEB i CGB ta pidi nan diskulpa pa e inkombeniensia ku esaki por trese kuné pa klientenan na Boneiru. 

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com