click

PLAY 

Unkobon ta bai re-anudá e proyekto di “komparashon di preis”

Den luna di oktober 2020 Unkobon lo bolbe kuminsá ku e proyekto komparashon di preis unda lo kompará preis di e produktonan básiko den 15 supermerkado. Mensualmente lo publiká resultado di e komparashon di preis di moda ku e konsumidó por hasi su kompras mas konsiente.


E komparashon di preis aki ta laga e konsumidó mira den un fregá di wowo kua supermerkado ta mas barata aki na Boneiru. Lo amplia e makuto, konteniendo e 60 produktonan mas kumprá, ku un kantidat di hand sanitizer enkonekshon ku Covid-19. Den pasado resien hopi konsumidó a remarká ku diferente produkto básiko tabata hopi karu. Komo tal e supermerkadonan a kuminsá bende produktonan, no di marka, ku ta mas barata. Hasiendo asina e supermerkadonan a kontribuí pa tene e kosto di bida abou. Ku e komparashon di preis tur hende por mira unda sierto produkto ta mas barata. Finalmente e kliente tin ku sobra mas sèn den su saku.


Pa por mira kua supermerkado ta bende un produkto spesífiko mas barata lo publiká entrante 30 di oktober próksimo un resumen riba e website www.unkobon.org unda lo menshona tur produkto i preis di kada un supermerkado.


Lo realisá e proyekto komparashon di preis den kolaborashon ku Unkobon, OLB i e ministerio di asuntonan Ekonómiko i Klima. Seis luna pasá mester a para e proyekto aki despues ku OLB a introdusí medida riba produktonan básiko enkonekshon ku Covid-19. E proyekto ta di tal manera diseñá i adaptá ku e por kontinuá awor. E proyekto komparashon di preis ta konsientisá e konsumidó aki na Boneiru pa loke ta trata preis di komestibel. For di un sondeo hasí den 2019 por konkluí ku e proyekto komparashon di preis a hasi hopi konsumidó konsiente di preis ora di hasi kompras.

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com