click

PLAY 

Zr.Ms. Groningen ta intesepta 455 kilo di kokaina

E barku di Marina Hulandes S.M. Groningen riba anochi di 8 di sèptèmber a interseptá un transporte di droga. Na parti West di Aruba e barku di patruya a logra obligá un asina yamá go-fast pa esaki para prome ku e drenta e área di Karibe.


E Dash-8, e avion di patruya marítimo di Wardakosta den Region Karibe, a deskubri e speedboat. E go-fast tabata riba un ruta konosí di kontrabanda, mientras ku Groningen a keda poné den akshon. Lansando e dos botonan rápido asina yamá FRISC, di Groningen, e barku di Marina Hulandes por a stòp e boto ku droga. Ademas di e tres personanan ku tabata a bordo, tabatin droga i armanan di kandela, pero tambe un makaku chikitu.

Ya komo awa a kuminsa drenta den e go-fast,pa motibunan di seguridat a disidí di tuma e sospechosonan a bordo. E sospechosonan i e merkansianan ilegal despues a keda pasá den man di e barku di Wardakosta Merikano Isaac Mayo. A konfiska un total di 455 kilo di droga. E makaku den e sirkumstanshanan aki ta oké, i ku intervenshon di Dutch Caribbean Coastguard a trasladé pa un sentro di refugio pa animalnan eksótiko na Aruba.

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com